كابوس جوزيه

موضوع: كابوس جوزيه الجمعة 03 سبتمبر 2010, 4:44 pm

خلاص انسوا بقى اصحوا كده شويه واغسلوا وشكو عشان تفوقو كل متنامو تحلمو بجوزيه تقومو تشتمو فى البدرى جوزيه رحل بتالقه ونجوميته التى صنعها الاهلى وليس احد اخر وجوزيه عمره مهيرجع تانى مهما حصل لانه ذكى فعلا وعارف انو مش هيحقق اكترمن الى حققه عشان الى حققه ده كان اعجاز مش انجاز وهو نفسه عمره مهيقدر يحققه تانى مجموعة لاعيبه هى الافضل فى تاريخ مصر اداره مستقره وناضجه وبتفهم كوره وساعدته كتير وهو لو رجع عمره مهيحقق نص الى حققه يبقى يرجع ليه مهو كده كده بيجيلكو كل يوم فى المنام ويطب على قلبكو وانتو تقومو مفزوعين تضربولو تعظيم سلام وتتمنو تلقوه قدمكم فى الحقيقه بس دا مش هيحصل احنا كده بنرفع فى معنويات جوزيه مع فريقه الجديد لا اكتر ولا اقل وبنغرق فى فرقتنا الى احنا اصلا بنحلم بيه عشانها وننزل فى معنويات مدرب فريقنا الى شارك فى انجازات جوزيه

البدرى لو ساب الاهلى مش هيبقى فاشل البدرى برده هيخرج من الاهلى بسيره ذاتيه عاوز مية اسطوانه عشان ينسخها عليها بطولات وانجازات وتضحيات واى فريق من فرق الدورى الكبيره هيتمناه وهتشوفو دا كفايه خبرته فى الاهلى خبرة الاهلى لو يوم واحد بسنه فى اى مكان تانى وانجازات جوزيه محدش يقدر ينكرها لانها اتحققت خلاص وهو نفسه لو جه مش هيرضيكو تانى يا اهلويه لانكو مش هتطلبو منو يصعد للمونديال هتطلبو منو يرجع بالكاس مهو عشم قديم بقى وهو خلاص معتش قده ولو كان قده مكنش ساب الفريق ومشى لانو اتاكد انو خد من الاهلى كل حاجه وخد مع الاهلى الى يقدر عليه من بطولات والى كان موفق بطريقه غريبه فيها انا بجد بحب جوزيه جدا بس بدور على مصلحى فرقتى الى بشجعها فى المقام الاول زى مهو دور على مصلحته والريالات يبقى احنا لازم نفوق وندورعلى مصلحتنا

انا لا بكره جوزيه ولا بحب البدرى انا بعشق الاهلى